Chas chas /Cha- cha

Instrumento musical da zona dos Andes. Pódese atopar no norte de Arxentina, Bolivia, Perú e Ecuador (de onde trouxen este).

Está formado por un conxunto de pezuñas de cabra que se atan cun fío ancho. Pódese colocar nos tornocelos para acompañar danzas marcando o pulso ou nos brazos. Ademais pódese agarrar coa man e batilo rápido producindo un son forte pero agradable, similar ao son da agua.

Mural coas notas da escala musical de Do M e as posicións da frauta doce. Cada nota represéntase cunha cor.

Panel decorativo de mazás e vermes que representan as principais figuras musicais e silencios. As mazás están feitas en cartulina de diferentes texturas e os vermes en goma eva.
Unha divertida forma de presentar a linguaxe musical aos máis pequenos/as.

A escala musical con fononimia de Kodaly

Panel decorativo da escala musical. Cada nota musical se corresponde cun andar da escaleira e cun neno (cada un é dunha raza/etnia distinta) que representa a fononimia de Kodaly. Atréveste a imitalos?

Sanza o kalimba

Instrumento de orixe africana que ten diferentes nomes: sanza, kalimba, malimba, mbira...

Está formado por a metade dunha cabaza sobre a que se colocan láminas de diferentes tamaños que ao ser pulsadas emiten un son suave e envolvente.

Este chegou de Marrocos.

Pao de chuvia

O Pao de chuvia é un instrumento de percusión formado por un tubo longo e oco (normalmente bambú) que no seu interior ten clavados pequenos paos de bambú e pedras ou sementes que, ao mover o instrumento para os lados, se desprazan dando un son similar á chuvia. O seu orixe é americano, posiblemente da zona dos Andes. Este que presento é da miña colección e veu de Ecuador.

Dominó instrumentos

Xogo de dominó atopado no seguinte enlace(en inglés): http://www.dltk-cards.com/ As imaxes para as fichas pódense imprimir en cor ou en branco e negro.

Recomendacións: pegar as imaxes en cartulina e plastificar para que sexan mais resistentes. O xogo ten un total de 21 fichas e está destinado a grupos pequenos.