PAZ CON POEMA E CANCIÓN

CANTAROLA DOS NENOS

Amiguiños todos

amiguiños xa,

os nenos de aquí,

os nenos de alá

Os nenos do mundo

todos a cantar

a unha mesma voz

collidos da man.

Cantarola nosa

de amor e de paz.

Leda cantarola,

ledo rebuldar.

Rolda de sorrisos

dende mar a mar,

corazóns abertos,

ollos de amigar.

Amiguiños todos,

amiguiños xa,

os nenos de aquí

e os nenos de alá.

A letra podédela atopar neste libro escrito por Xosé Neira Vilas e Ansinia Miranda: Cantarolas

A música está no CD de Na Virada: Rolada de cantigas